КЕЧКЕНӘ ДӘ - ТӨШ КЕНӘ

10.02.2018 22:01 | СЕЗДӘ НИЛӘР БАР? Печать

КЕЧКЕНӘ ДӘ - ТӨШ КЕНӘ
Таныш булыгыз: Яр Чаллының якты йолдызчыгы Хәлиуллина Алия. Кызчыкка әле нибары 6 гына яшь, ул быел мәктәпкә җыена. Кечкенә дә - төш кенә, диләр Алия кебекләр турында. Җитешмәгән җире, кулыннан килмәгән эше юк аның: җырлый да, бии дә. Ә шигырь сөйләвен күрсәгез! Нәфис сүз осталары, музыка, бию буенча бәйгеләрдә респубикакүләм алдынгы урыннар яулый Алиябез. Мактау грамоталары, дипломнар, кубоклары бик күп аның. Нәфис сүз осталыгы серләренә төшендергән өчен остазы Шакирова Рузилә Мифтахетдин кызына рәхмәтле. Алия - сеңлесе Эльвина өчен үрнәк апа. Әтисе Ринат һәм әнисе Лилиягә, әби-бабайларына куаныч, горурлык ул. Алиягә без дә уңышлар телибез! Күз тимәсен, берүк, үзенә!


Будь в курсе последних событий! Читай tatmedia.ru


Добавить комментарий


Защитный код
Обновить